“तिम्रो आगमनले ...”

तिम्रो आगमनले ,

निरस जिन्दगीमा केही खुशीको बहार आउँदा,

शुष्क ति हरेक पलमा एकाएक उमङ्ग छाऊदा ,

घामको पहिलो झुल्काले हिमालमा लाली पोतिदा ,

अध्याराबादल चिर्दै रबि आकाशमा हाँस्दा ,

उदास जिन्दगीमा एकाएक खुशीको रक्तसन्चर हुँदै छ ।

उराठ ति पल एकाएक रोमान्चित बन्दै छ ।

सधैं मलिन लाग्ने यो मनको बगैचामा रंगिचँगी फुल फुल्दै छ ।

अर्थहिन लाग्ने ति फुल नियाल्न आज भमरा बन्न मन लाग्दै छ।

तिम्रो आगमनले ,

उजाड देखिने यो जिन्दगीमा कोइलिले आज प्रेम गीत गाउदा ,

पत्झड झै देखिने यो मनको वागमा आज मयुरहरु नाच्दा,

बन्द पिँजडमा पनि परेवका प्रेमलाप देख्दा,

रापिलो दिनमा पनि ति ढुकुरका प्रेमभाब महशुश गर्दा ,

मलाई पनि मायालु भाबले तिमीलाई चुम्न मन लाग्दै छ ।

साचै किन प्रिये ,

मलाई तिमी भित्र हराउन मनलाग्दै छ। २

रचना : 'प्रबल'

पर्थ, अष्ट्रेलिया

१५ अक्टोबर , २००८